სასწავლო პროექტი

პროექტის სახელწოდება: გიორგი სალუქვაძე და ქართული ფოლკლორი

პროექტის მთავარი იდეა: გურული ხალხური სიმღერებისა და ცეკვების აღდგენისა და დამკვიდრების ისტორიის გაცნობა.

 პროექტის აქტუალობა: გამოჩენილი გურული ფოლკლორისტის შესახებ ინფორმაციის მოპოვება და სიმღერების შესწავლა.

კორიფე-გიორგი სალუქვაძე-სახალხო არტისტი, დამსახურებული ინჟინერი და რჩეული

მამულიშვილი დაიბადა 1913 წელს ოზურგეთის რაიონის სოფელ ცხემლისხიდში.დიდია მისი ღვაწლი ქართველი ერის წინაშე.მან თავისი ცხოვრების მანძილზე აღადგინა ძველი ქართული მასობრივი ცეკვები: ფერხული ,,ფარცაკუკუ’’, ,,კალმახობა’’, ,,ფუნდრუკი’’,  ,,ინგილოური შიპრობა’’, მესხური ,,მძიმური’’და ფერხული ,,დიდება’’სახუმარო ვარძიაობა ,,ძიობა’’, მესხურ-ჯავახური ,,იდუმალა’’, აჭარული ,,სეირი’’. შექმნა რამდენიმე ახალი ქორეოგრაფიული ნიმუში,მათ შორის საბავშვო ცეკვა ,,ცხენობანა’’და გოგონათა ცეკვა,,წყაროსთან’’...მასიური შესრულებით პირველმა დადგა ცეკვა ,,ფარიკაობა’’.1968-80 წლებში უძღვებოდა თავისივე ინიციატივით დაარსებულ ,,გურული სიმღერების აღმდგენელ და შემსწავლელ ‘’-სკოლას ,,იადონს’’. მანვე აღადგინა ძველი გურული მუსიკალური საკრავი ,,სოინარი’’.

ანსამბლი ,,იადონი''

აღსანიშნავია, რომ ოზურგეთში ტრადიციად დამკვიდრდა გ. სალუქვაძის სახელობის ფოლკლორული ფესტივალის ჩატარება. იგი დაკრძალულია მშობლიურ სოფელ ცხემლისხიდში.

პროექტის მიზანი: გ. სალუქვაძის მიერ აღდგენილი სიმღერებისა და ცეკვების

მოძიება, მუსიკალური ნაწარმოებების მიმართ საკუთარი დამოკიდებულებისა და

ხალხური მუსიკის მიმართ მსჯელობის უნარის გამომუშავება, მოსწავლეების ჩაბმა

შემოქმედებით საქმიანობაში.

მონაწილეთა ასაკი:11-12 წ.

ვადების ხანგრძლივობა: 2 კვირა.

მოსალოდნელი შედეგები: მოსწავლეები მოიპოვებენ ინფორმაციას აღდგენილი ძველი ქართული სიმღერებისა და ცეკვების შესახებ. შეისწავლიან გ. სალუქვაძის მიერ დაწერილ სიმღერას :,,იავნანას''.

პროექტისათვის საჭირო რესურსები: სახელმძღვანელო, რვეული, აუდიო დისკი, ფორტეპიანო, კომპიუტერი.

პროექტის მსვლელობა:

აქტივობა 1:-მოსწავლეთათვის თემის გაცნობა და კლასის დაყოფა ორ ჯგუფად.

აქტივობა 2:1 ჯგუფი მოიპოვებს ინფორმაციას აღდგენილი ცეკვებისა და სიმღერების

შესახებ.

2  ჯგუფი-ფოტო და აუდიო მასალას.

აქტივობა 3: მოპოვებული მასალის შესწავლა  და  სინთეზირება.

საგნებთან/საგნობრივ ჯგუფებთან/ეროვნულ სასწავლო გეგმასთან კავშირი: 

მუსიკა

პროექტის ხელმძღვანელი [მასწავლებელი]: ნათელა ჟღენტი.

ხელმძღვანელის ელ-ფოსტა: jgentinatela@gmail.com